ಭಾರಿ ಪ್ರಮಾಣದ ಗೋ ಮಾಂಸ ವಶ

ಕೋಟ: ಇಲ್ಲಿನ ಶ್ರೀ ಹಿರೇಮಹಾಲಿಂಗೇಶ್ವರ ದೇವಳ ಬಳಿ ಕುಂದಾಪುರದಿಂದ ಅಕ್ರಮ ಗೋ ಮಾಂಸ ಸಾಗಿಸುತ್ತಿದ್ದ ವಾಹನವನ್ನು ಹಿಂದೂ ಜಾಗರಣಾ ವೇದಿಕೆ ಕಾರ್ಯಕರ್ತರು ಹಿಡಿದು ಕೋಟ ಠಾಣೆಗೆ ಒಪ್ಪಿಸಿದರು. 

ಕುಂದಾಪುರದಿಂದ ಮಾರುತಿ ಓಮ್ನಿಯಲ್ಲಿ ಗೋಮಾಂಸ ತುಂಬಿಸಿಕೊಂಡು ಬರುತ್ತಿರುವ ಕುರಿತು ಕೋಟೇಶ್ವರ ಹಿಂದೂ ಸಂಘಟನೆಯ ಕಾರ್ಯಕರ್ತರಿಗೆ ಸಿಕ್ಕ ಮಾಹಿತಿ ಮೇರೆಗೆ, ವಾಹನವನ್ನು ಸಂಘಟನೆಯ ಯುವಕರು ಹಿಂಬಾಲಿಸಿದರು. ಮಣೂರು ಬಳಿ ತಮ್ಮನ್ನು ಯಾರೋ ಹಿಂಬಾಲಿಸುತ್ತಿರುವುದನ್ನು ಗಮನಿಸಿದ ಗೋ ಮಾಂಸ ಸಾಗಾಟಗಾರರು ರಾಷ್ಟ್ರೀಯ ಹೆದ್ದಾರಿಯಿಂದ ಕೋಟ ಹಿರೇ ಮಹಾಲಿಂಗೇಶ್ವರ ದೇವಸ್ಥಾನದ ಮುಂಭಾಗದಲ್ಲಿ ಓಮ್ನಿ ನಿಲ್ಲಿಸಿ ತೆರಳಿದ್ದರು. ಇದೇ ವೇಳೆ ದೇವಸ್ಥಾನದ ಬಳಿ ಆಟವಾಡುತ್ತಿದ್ದ ಮಕ್ಕಳು ಓಮ್ನಿ ಗಮನಿಸಿ ಕೋಟ ಹಿಂದೂ ಜಾಗರಣಾ ವೇದಿಕೆಯ ಕಾರ್ಯಕರ್ತರಿಗೆ ಸುದ್ದಿ ಮುಟ್ಟಿಸಿದರು. ಓಮ್ನಿ ಪರಿಶೀಲಿಸಿದಾಗ ಸುಮಾರು 1 ಕ್ವಿಂಟಾಲ್ ಗೋ ಮಾಂಸ ಪತ್ತೆಯಾಗಿದೆ. ಅಬ್ದುಲ್ಲ(19) ಎಂಬಾತನನ್ನು ಕಾರ್ಯಕರ್ತರು ಪೊಲೀಸರಿಗೆ ಒಪ್ಪಿಸಿದ್ದಾರೆ. 

ಈ ವಾಹನದಲ್ಲಿ ಗೋ ಮಾಂಸದ ಜತೆ ಕೆಲವು ಶ್ರೀ ಗಂಧದ ಮರದ ತುಂಡುಗಳೂ ಕಂಡು ಬಂದಿದೆ. ಈ ಬಗ್ಗೆ ಕೋಟ ಹಿಂದೂ ಜಾಗರಣಾ ವೇದಿಕೆಯ ಶಂಕರ್ ಅವರು ಠಾಣೆ ಯಲ್ಲಿ ದೂರು ದಾಖಲಿಸಿದ್ದಾರೆ. ಬ್ರಹ್ಮಾವರ ವತ್ತ ನಿರೀಕ್ಷಕ ಅರುಣ್ ಬಿ.ನಾಯಕ್ ಠಾಣೆಗೆ ಭೇಟಿ ನೀಡಿ ಘಟನೆಯ ಕುರಿತು ಠಾಣಾಧಿಕಾರಿ ಕೆ.ಆರ್. ನಾಯ್ಕ್ ಮತ್ತು ಹಿಂದೂ ಜಾಗರಣ ವೇದಿಕೆಯ ಕಾರ್ಯಕರ್ತರ ಬಳಿ ಮಾಹಿತಿ ಪಡೆದುಕೊಂಡಿದ್ದಾರೆ.

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 ಕುಂದಾಪ್ರ ಡಾಟ್ ಕಾಂ | ಅಫರಾದ-ಅಫಘಾತ ಸುದ್ದಿಗಳು All Rights Reserved.
Template Design by Herdiansyah Hamzah | Published by Kundapra Dot Com