ಮಗುವನ್ನು ನೇಣಿಗೆ ಹಾಕಿ ತಾನೂ ಆತ್ಮಹತ್ಯೆ ಮಾಡಿಕೊಂಡ ಅಪ್ಪ

ಕುಂದಾಪುರ: 8 ವರ್ಷದ ಮಗಳಿಗೆ ನೇಣು ಬಿಗಿದ ತಂದೆ ತಾನೂ ಆತ್ಮಹತ್ಯೆ ಮಾಡಿಕೊಂಡ ದಾರುಣ ಘಟನೆ ಮಂಗಳವಾರ ಕೋಟೇಶ್ವರದಲ್ಲಿ ನಡೆದಿದೆ. ಇಲ್ಲಿನ ದೊಡ್ಡೋಣಿ ರಸ್ತೆಯ ನಿವಾಸಿ ಶಶಿಧರ ಉಪಾಧ್ಯಾಯ(48) ಹಾಗೂ ಅವರ ಪುತ್ರಿ ಭಾರ್ಗವಿ ಉಪಾಧ್ಯಾಯ(8) ಸಾವಿಗೀಡಾದವರು. 

ಬೆಳಗ್ಗೆ ಎಂದಿನಂತೆ ಲವಲವಿಕೆಯಿಂದ ಓಡಾಡುತ್ತಿದ್ದ ಭಾರ್ಗವಿ ಮನೆಯಿಂದ ಹೊರಗೆ ಬಾರದಿರುವುದನ್ನು ಕಂಡು ನೆರೆಹೊರೆಯವರು ಇಣುಕಿ ನೋಡುವಾಗ ಅಪ್ಪ, ಮಗು ನೇಣಿಗೆ ಕೊರಳು ಒಡ್ಡಿರುವುದು ಬೆಳಕಿಗೆ ಬಂದಿದೆ. ಎದುರಿನ ಜಗುಲಿಯಲ್ಲಿ ಹಾಸಿಗೆ ಹಾಗೆಯೇ ಇತ್ತು. ಮನೆಯಲ್ಲಿನ ಒಂದು ಕೋಣೆಯಲ್ಲಿ ಅಪ್ಪನ ಶವ, ಇನ್ನೊಂದು ಕೋಣೆಯಲ್ಲಿ ಬಾಲೆಯ ಶವ ನೇತಾಡುತ್ತಿತ್ತು. ಮತರ ಸಹೋದರ ವಿದ್ಯಾದರ ನೀಡಿರುವ ಹೇಳಿಕೆಯಂತೆ ಕುಂದಾಪುರ ಠಾಣೆಯಲ್ಲಿ ಆತ್ಮಹತ್ಯೆ ಪ್ರಕರಣ ದಾಖಲಾಗಿದೆ. ದಾಂಪತ್ಯ ಕಲಹವೇ ಕತ್ಯಕ್ಕೆ ಕಾರಣವೆಂದು ಶಂಕಿಸಲಾಗಿದ್ದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. 

ಬೆಚ್ಚಿಬಿದ್ದ ಸ್ಥಳೀಯರು: ವತ್ತಿಯಲ್ಲಿ ಟ್ಯಾಕ್ಸಿ ಚಾಲಕರಾಗಿರುವ ಶಶಿಧರ ಉಪಾಧ್ಯಾಯ ಸೋಮವಾರ ರಾತ್ರಿ ಅಕ್ಕಪಕ್ಕದವರೊಂದಿಗೆ ಮಾತನಾಡಿದ್ದಾರೆ. ಅವರ ಪುಟ್ಟ ಮಗು ಭಾರ್ಗವಿ ಚಿಣಕುರುಳಿಯಂತೆ ಓಡಾಡಿದ್ದಾರೆ. ಸೋಮವಾರ ಬೆಳಗ್ಗೆ ದಾರುಣ ಘಟನೆ ಎದುರಾಗಿದೆ. ಶಶಿಧರ ಉಪಾಧ್ಯಾಯ ಸಂಸಾರ ತಾಪತ್ರಯದಿಂದ ನಲುಗಿದ್ದರು ಎಂಬುವುದನ್ನು ಕುಟುಂಬಿಕರು, ಸ್ಥಳೀಯರು ಹೇಳಿಕೊಂಡಿದ್ದಾರೆ. 

ಪತಿ-ಪತ್ನಿಯ ನಡುವೆ ವಿರಸ: ಮದುವೆಯಾಗಿ ಮೊದಲ ಹೆಂಡತಿಯಿಂದ ಪರಿತ್ಯಕ್ತರಾಗಿರುವ ಇವರು 10 ವರ್ಷದ ಹಿಂದೆ ಇನ್ನೊಂದು ಮದುವೆಯಾಗಿದ್ದರು. ಎರಡನೆ ಹೆಂಡತಿಯಿಂದ ಭಾರ್ಗವಿ ಜನಿಸಿದ್ದಳು. ಎರಡನೆ ಪತ್ನಿಯೊಂದಿಗೆ ಅಂಕದಕಟ್ಟೆಯಲ್ಲಿ ಬಾಡಿಗೆ ಮನೆಯೊಂದರಲ್ಲಿ ಕೆಲ ಕಾಲ ನೆಲೆಸಿದ್ದ ಇವರು ಇತ್ತೀಚೆಗಷ್ಟೇ ದೊಡ್ಮನೆ ವಠಾರದಲ್ಲಿರುವ ಮೂಲಮನೆಯ ಸಮೀಪವೇ ಪುಟ್ಟ ಮನೆ ನಿರ್ಮಿಸಿಕೊಂಡಿದ್ದರು. ಪತ್ನಿ ಹಾಗೂ ಪತಿಯ ನಡುವೆ ವಿರಸ ಮೂಡಿದ್ದರಿಂದ ಕೆಲವು ಸಮಯದಿಂದ ಪ್ರತ್ಯೇಕವಾಗಿ ನೆಲೆಸಿದ್ದರು. ಭಾರ್ಗವತಿ ತಂದೆಯೊಂದಿಗೆ ಇದ್ದಳು. ಕೋಟೇಶ್ವರ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ 2ನೇ ತರಗತಿಯಲ್ಲಿ ಓದುತ್ತಿರುವ ಈ ಬಾಲೆ ಅತ್ಯಂತ ಚೂಟಿ ಎಂದು ಶಿಕ್ಷಕರು, ಸಹಪಾಠಿಗಳು ಹೇಳಿಕೊಂಡಿದ್ದಾರೆ. ಬಾಲೆ ಅಪ್ಪನ ಜತೆಯಲ್ಲಿ ಖುಷಿಯಿಂದಲೇ ಇದ್ದಳು. ಏಕಾಏಕಿ ಶಶಿಧರ ಉಪಾಧ್ಯಾಯ ತೆಗೆದುಕೊಂಡ ನಿರ್ಧಾರ ಪರಿಸರದ ಜನರಲ್ಲಿ ದಿಗ್ಭ್ರಮೆ ಮೂಡಿಸಿದೆ. 

ಹರಿದ ಕಣ್ಣೀರ ಕೋಡಿ: ಮಂಗಳವಾರ ಬೆಳಗ್ಗೆ ಭಾರ್ಗವಿಯ ದುರಂತ ಅಂತ್ಯಕಂಡು ದಿಗ್ಭ್ರಾಂತರಾಗಿ ಆಕೆಯ ಮನೆಯತ್ತ ಓಡಿಬಂದ ಶಾಲಾ ಶಿಕ್ಷಕರು, ವಿದ್ಯಾರ್ಥಿಗಳು ಕಣ್ಣೀರು ಮಿಡಿದರು. ಅವರ ಕಣ್ಣೀರಿಗೆ ಸ್ಥಳೀಯರು ದುಃಖ ತಡೆಯಲಾಗದೆ ಅತ್ತುಬಿಟ್ಟರು. 

ಅಂತಿಮ ದರ್ಶನಕ್ಕೂ ಬಾರದ ತಾಯಿ: ಮಗುವಿನ ತಾಯಿ ಬಂದು ಹೇಳಿಕೆ ನೀಡುವ ತನಕ ಶವ ನೇಣಿನ ಕುಣಿಕೆಯಿಂದ ಇಳಿಸಲಾಗದು ಎಂಬ ಪೊಲೀಸರ ನಿರ್ದೇಶನದ ಮೇರೆಗೆ ಮಗುವಿನ ತಾಯಿಯನ್ನು ಸಂಪರ್ಕಿಸುವ ಪ್ರಯತ್ನ ಬಂಧುಗಳು ಮಾಡಿದರು. ಸ್ಥಳೀಯರು ಸಂದೇಶ ನೀಡಿದರು. ಆದರೆ ಅವರಿಂದ ಸೂಕ್ತ ಸ್ಪಂದನ ಸಿಗದ ಹಿನ್ನೆಲೆಯಲ್ಲಿ ನಿರುಪಾಯರಾದ ಮತರ ಬಂಧುಗಳ ಕೋರಿಕೆಯ ಮೇರೆಗೆ ಪೊಲೀಸರು ಶವ ಕೆಳಗಿಳಿಸಿ ಮಹಜರು ನಡೆಸಿ ಮರಣೋತ್ತರ ಪರೀಕ್ಷೆಯ ಬಳಿಕ ವಾರೀಸುದಾರರಿಗೆ ಬಿಟ್ಟುಕೊಟ್ಟಿದ್ದಾರೆ. 

ಡೆತ್‌ನೋಟ್ ಪತ್ತೆ: ನಾವು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದೇವೆ ಎಂದಷ್ಟೇ ಬರೆದಿರುವ ಡೆತ್‌ನೋಟ್ ಉಪಾಧ್ಯಾಯ ಅವರ ಮನೆಯಲ್ಲಿ ದೊರಕಿದೆ. ಪಿಎಸ್‌ಐ ನಾಸೀರ್ ಹುಸೇನ್ ಮಹಜರು ನಡೆಸಿದ್ದಾರೆ. ಮಗುವನ್ನು ನೇಣಿಗೆ ಹಾಕಿದ(ಕೊಲೆ ಪ್ರಕರಣ) ಹಾಗೂ ಆತ್ಮಹತ್ಯೆಗೈದ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ಕೃಪೆ: ವಿಕ
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 ಕುಂದಾಪ್ರ ಡಾಟ್ ಕಾಂ | ಅಫರಾದ-ಅಫಘಾತ ಸುದ್ದಿಗಳು All Rights Reserved.
Template Design by Herdiansyah Hamzah | Published by Kundapra Dot Com