ಸ್ನಾನಘಟ್ಟದಲ್ಲಿ ಮೀನುಗಳ ಸಾವು

ಕೊಲ್ಲೂರು: ಕೊಲ್ಲೂರು ಸೌಪರ್ಣಿಕಾ ನದಿ ಸ್ನಾನಘಟ್ಟದಲ್ಲಿ ಅಪಾರ ಪ್ರಮಾಣದ ಮೀನುಗಳು ಮೃತಪಟ್ಟಿರುವ ವಿಚಾರ ಗುರುವಾರ ಬೆಳಕಿಗೆ ಬಂದಿದೆ. ಮೂರು ದಿನಗಳ ಹಿಂದೆ ಮೀನುಗಳು ಸಾವಿಗೀಡಾಗುತ್ತಿರುವ ವಿಷಯ ಹೊರಬಿದ್ದಿದ್ದು ಗುರುವಾರ ಬೆಳಗ್ಗೆ ಅಗಾಧ ಸಂಖ್ಯೆಯಲ್ಲಿ ನದಿಯಲ್ಲಿ ಸತ್ತ ಮೀನುಗಳು ತೇಲುತ್ತಿದ್ದ ದಶ್ಯವನ್ನು ಕಂಡ ಸ್ಥಳೀಯರು ಪಂಚಾಯಿತಿಗೆ ಮಾಹಿತಿ ನೀಡಿದ್ದಾರೆ. 

ಸ್ನಾನಘಟ್ಟದ ತುಂಬೆಲ್ಲಾ ದುರ್ವಾಸನೆ ಹಬ್ಬಿದ್ದು, ಮದ್ದು ಸಿಡಿಸಿ ಮೀನುಗಳನ್ನು ಸಾಯಿಸಲಾಗಿದೆ ಎಂಬ ಸಂಶಯ ಸ್ಥಳೀಯವಾಗಿ ವ್ಯಕ್ತವಾಗಿದೆ. ಕೊಳಚೆ ನೀರಿನ ವ್ಯಾಪಕ ಹರಿಯುವಿಕೆಯಿಂದ ಮೀನುಗಳ ಸಾಮೂಹಿಕ ಸಾವು ಸಂಭವಿಸಿರಬಹುದು ಎಂದೂ ಶಂಕಿಸಲಾಗುತ್ತಿದೆ. 

ಸತ್ತ ಮೀನುಗಳಲ್ಲಿ ಭಾರಿ ಗಾತ್ರದ ಐರು, ಕೊಡುವಾಯಿಯಂತಹ ಮೀನುಗಳೂ ಸೇರಿವೆ. ಪಂಚಾಯಿತಿ ಅಧಿಕಾರಿಗಳು, ಆರೋಗ್ಯ ಇಲಾಖಾಧಿಕಾರಿಗಳು, ಅರಣ್ಯ ಇಲಾಖಾಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಸತ್ತ ಮೀನುಗಳನ್ನು ದಫನ ಮಾಡುವ ಕೆಲಸ ನಡೆದಿದೆ. ಮೀನುಗಳ ಸಾವಿನ ಬಗ್ಗೆ ಸಮಗ್ರ ತನಿಖೆ ನಡೆಸಲಾಗುವುದು ಎಂದು ಕೊಲ್ಲೂರು ಅರಣ್ಯಾಧಿಕಾರಿ ತಿಳಿಸಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 ಕುಂದಾಪ್ರ ಡಾಟ್ ಕಾಂ | ಅಫರಾದ-ಅಫಘಾತ ಸುದ್ದಿಗಳು All Rights Reserved.
Template Design by Herdiansyah Hamzah | Published by Kundapra Dot Com