ಹುಚ್ಚು ನಾಯಿ ಕಡಿತ: ಮಗು,ಮಹಿಳೆ ಆಸ್ಪತ್ರೆಗೆ

ಉಡುಪಿ: ಇಲ್ಲಿನ ಕೊಡವೂರು ಲಕ್ಷ್ಮೀನಗರದಲ್ಲಿ ಮಗು ಮತ್ತು ಮಹಿಳೆಯೊಬ್ಬರಿಗೆ ಹುಚ್ಚು ನಾಯಿ ಕಡಿದಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ಹುಚ್ಚು ನಾಯಿಯನ್ನು ಗುರುತಿಸಿ ಸ್ಥಳೀಯರು ಕೊಂದು ಹಾಕಿದ್ದಾರೆ. ಆದರೆ ಸಾಯುವ ಮೊದಲು ಹಲವು ಬೀದಿನಾಯಿಗಳಿಗೆ ಈ ಹುಚ್ಚುನಾಯಿ ಕಡಿದಿರುವುದರಿಂದ ಲಕ್ಷ್ಮೀನಗರದಲ್ಲಿ ಜನ ನಾಯಿಗಳನ್ನು ಕಂಡ ಕೂಡಲೇ ಹೆದರುವಂತಾಗಿದೆ. 

ಮೂಲತಃ ಕೊಪ್ಪಳದವರಾದ ಬಾಳಪ್ಪ ಸಂದಿಮನಿಯವರು ಗರ್ಡೆ ಲಕ್ಷ್ಮೀನಗರದಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದುಕೊಂಡು ಹೆಂಚಿನ ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅವರ ಮಗ ಮೂರನೇ ತರಗತಿ ವಿದ್ಯಾರ್ಥಿ ಕೃಷ್ಣ (9) ಮನೆಯ ಹೊರಗಡೆ ಇರುವಾಗ ನಾಯಿ ಬಂದು ಮುಖಕ್ಕೆ ಕಚ್ಚಿ ಗಾಯಗೊಳಿಸಿದೆ. ಅಷ್ಟು ಹೊತ್ತಿಗೆ ಸ್ಥಳೀಯರು ಒಟ್ಟುಗೂಡಿ ಓಡಿಸಿದ್ದರಿಂದ ಮಗು ಬದುಕಿ ಉಳಿದಿದೆ. ಬಳಿಕ ಗರ್ಡೆ ಭಾಷಾ ಸಾಹೇಬರ ಪತ್ನಿ ಮಸ್ತೂರ ಭಾನು ಎಂಬವರ ಕೈಗೆ ಕಚ್ಚಿದೆ. ಆನಂತರ ಎದುರಿಗೆ ಬಂದ ಬೀದಿನಾಯಿಗಳಿಗೆ ಕಚ್ಚಿದೆ. 

ಅಪಾಯವನ್ನರಿತ ಜನರು ಹುಚ್ಚುನಾಯಿಯನ್ನು ಕೊಂದು ಹಾಕಿದ್ದಾರೆ. ತೀವ್ರ ಗಾಯಗೊಂಡಿದ್ದ ಮಗುವನ್ನು ಮಣಿಪಾಲ ಕೆಎಂಸಿ ಆಸ್ಪತ್ರೆಗೆ ದಾಖಲಿಸಿ, ರೇಬಿಸ್ ನಿರೋಧಕ ಇಂಜೆಕ್ಷನ್ ಕೊಡಲಾಗಿದೆ. ಮಗು ಅಪಾಯದಿಂದ ಪಾರಾಗಿದ್ದರೂ ಪ್ರತಿ ತಿಂಗಳು ಬಂದು ಇಂಜೆಕ್ಷನ್ ತೆಗೆದುಕೊಳ್ಳಬೇಕಾಗಿದೆ. ಮಹಿಳೆ ಮಸ್ತೂರಬಾನು ಅವರಿಗೂ ಮೂರು ಇಂಜೆಕ್ಷನ್ ನೀಡಲಾಗಿದ್ದು, ಇನ್ನು ಒಂದು ಇಂಜೆಕ್ಷನ್ ಬಾಕಿ ಇದೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 ಕುಂದಾಪ್ರ ಡಾಟ್ ಕಾಂ | ಅಫರಾದ-ಅಫಘಾತ ಸುದ್ದಿಗಳು All Rights Reserved.
Template Design by Herdiansyah Hamzah | Published by Kundapra Dot Com