ದೋಷಪೂರಿತ ಆಹಾರ ಸೇವನೆ : 13 ಮಂದಿ ವಿದ್ಯಾರ್ಥಿಗಳು ಅಸ್ವಸ್ಥ

ಬೈಂದೂರು: ಇಲ್ಲಿನ ಮೊರಾರ್ಜಿ ವಸತಿ ಶಾಲೆಯ 13 ಮಂದಿ ವಿದ್ಯಾರ್ಥಿಗಳು ದೋಷಪೂರಿತ ಆಹಾರ ಸೇವನೆಯಿಂದ ಅಸ್ವಸ್ಥರಾಗಿ ಬುಧವಾರ ಬೈಂದೂರು ಸರಕಾರಿ ಆಸ್ಪತ್ರಗೆ ದಾಖಲಾಗಿದ್ದಾರೆ. ವಿದ್ಯಾರ್ಥಿಗಳು ಬುಧವಾರ ಎಂದಿನಂತೆ ಬೆಳಗಿನ ಉಪಹಾರ ಸೇವಿಸಿದರು. 10ರ ಸುಮಾರಿಗೆ ತರಗತಿ ನಡೆಯುತ್ತಿದ್ದಾಗ 6 ಮತ್ತು 7ನೇ ತರಗತಿಯ ಒಟ್ಟು 13 ವಿದ್ಯಾರ್ಥಿನಿಯರಿಗೆ ವಾಂತಿ ಕಾಣಿಸಿ ಕೊಂಡಿತು ಎನ್ನಲಾಗಿದೆ. ಬಳಿಕ ವಿದ್ಯಾರ್ಥಿನಿಯರನ್ನು ಇಲ್ಲಿನ ಸರಕಾರಿ ಆಸ್ಪತ್ರಗೆ ದಾಖಲಿಸಿದರು. ಅವರನ್ನು ತಪಾಸಣೆ ನಡೆಸಿದ ವೈದ್ಯರು ಚಿಕಿತ್ಸೆ ನೀಡಿ ಸಂಜೆ ಹೊತ್ತಿಗೆ ಆಸ್ಪತ್ರೆಯಿಂದ ಬಿಡುಗಡೆ ಮಾಡಿದರು. 

ಈ ಬಗ್ಗೆ ಪ್ರತಿಕ್ರಿಯಿಸಿದ ಬೈಂದೂರು ಸರಕಾರಿ ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ. ಲತಾ ನಾಯಕ್ ಕೆಲವೊಂದು ಜಂಕ್ ಫುಡ್ ಹಾಗೂ ಎರಡು ಮೂರು ದಿನದ ಹಿಂದಿನ ಬೂಸ್ಟ್ ಹಿಡಿದ ಆಹಾರ ಪದಾರ್ಥಗಳ ಸೇವನೆಯಿಂದ ಅಸ್ವಸ್ಥರಾಗಿದ್ದಾರೆ ಎಂದು ಮೇಲ್ನೊಟಕ್ಕೆ ಕಂಡು ಬರುತ್ತಿದೆ. ಈಗಾಗಲೇ ವಿದ್ಯಾರ್ಥಿಗಳು ಕುಡಿಯುವ ನೀರು ಮತ್ತು ಮತ್ತಿತರ ಪರೀಕ್ಷೆ ನಡೆಸಲಾಗಿದೆ. ವರದಿ ನಾಳೆ ಸಂಜೆ ಸಮಾರಿಗೆ ಬರುವ ಸಾಧ್ಯತೆಯಿದೆ, ವರದಿ ಬಂದ ಬಳಿಕ ಖಚಿತ ಮಾಹಿತಿ ನೀಡಲಾಗುವುದು ಎಂದು ದೇಳಿದ್ದಾರೆ. 

ವಿದ್ಯಾರ್ಥಿಗಳು ಅಸ್ವಸ್ಥರಾದ ಘಟನೆಯ ಬಗ್ಗೆ  ಮಾತನಾಡಿದ ವಸತಿ ಶಾಲೆಯ ಪ್ರಿನ್ಸಿಪಾಲ್ ಪೂರ್ಣಿಮಾ ಕೆಲವು ವಿದ್ಯಾರ್ಥಿ ನಿಯರು ವಾರದ ಹಿಂದೆ ಮನೆಗೆ ಹೋಗಿದ್ದರು, ಆಗ ಅಲ್ಲಿಂದ ಕೆಲವೊಂದು ಜಂಕ್‌ಫುಡ್ ತಂದಿದ್ದಾರೆ, ಅವನ್ನು ಸೇವಿಸಬಾರದು ಎಂದು ನಾವು ಎಷ್ಟು ಬಾರಿ ಹೇಳಿದರೂ ಕೇಳುವುದಿಲ್ಲ. ಒಮ್ಮಮ್ಮೆ ನಮ್ಮ ಕಣ್ತಪ್ಪಿಸಿ ತಿನ್ನುತ್ತಾರೆ, ಅವರು ತಿನ್ನುವುದಲ್ಲದೇ ಅವರ ಸ್ನೇಹಿತ ರಿಗೂ ನೀಡುತ್ತಾರೆ. ಇಲ್ಲಿ ಅಸ್ವಸ್ಥರಾದವರೆಲ್ಲ ವಿದ್ಯಾರ್ಥಿನಿಯರು, ವಸತಿ ಶಾಲೆಯ ಆಹಾರ ದೋಷ ಎಂದು ಕಂಡುಬಂದರೆ ಹುಡುಗರಿಗೂ ಆಗಬೇಕಾಗಿತ್ತು. ಅಲ್ಲದೇ ಕಳೆದ ಎರಡು ತಿಂಗಳಿನಿಂದ ಮಕ್ಕಳ ಊಟಕ್ಕೆ ಕುಚ್ಚಲು ಅಕ್ಕಿ ಬದಲು ಬೆಳ್ತಿಗೆ ಅಕ್ಕಿ ಸರಬರಾಜು ಆಗು ತ್ತಿರುವುದರಿಂದ 3 ಹೊತ್ತು ವಿದ್ಯಾರ್ಥಿಗಳು ಬೆಳ್ತಿಗೆ ಅಕ್ಕಿಯ ಅನ್ನ ಸೇವನೆ ಮಾಡಬೇಕಾಗಿದೆ. ಇದು ಕೆಲವು ಮಕ್ಕಳ ದೇಹಕ್ಕೆ ಒಗ್ಗುವುದಿಲ್ಲ ಎನ್ನುತ್ತಾರೆ. ಏನೇ ಇದ್ದರೂ ವೈದ್ಯರ ವರದಿ ಬಂದ ಬಳಿಕವೇ ಸತ್ಯಾಂಶ ಬೆಳಕಿಗೆ ಬರಲಿದೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 ಕುಂದಾಪ್ರ ಡಾಟ್ ಕಾಂ | ಅಫರಾದ-ಅಫಘಾತ ಸುದ್ದಿಗಳು All Rights Reserved.
Template Design by Herdiansyah Hamzah | Published by Kundapra Dot Com