ಪೊಲೀಸ್‌ ಮೇಲೆ ಹಲ್ಲೆ: ದೂರು-ಪ್ರತಿದೂರು ದಾಖಲು

ಕುಂದಾಪುರ: ಇಲ್ಲಿನ ಪಾರಿಜಾತ ವೃತ್ತದಲ್ಲಿ ಕರ್ತವ್ಯನಿರತ ಸಂಚಾರಿ ಪೊಲೀಸ್ ಮೇಲೆ ಹಲ್ಲೆ ಬುಧವಾರ ಸಂಜೆ ನಡೆಸಲಾಗಿದೆ. ಸಂಜೆ ವೇಳೆ ಶಾಸ್ತ್ರೀ ವೃತ್ತದಿಂದ ಬೈಕ್‌ನಲ್ಲಿ ಮೂವರು ಪಯಣಿಸುತ್ತಿದ್ದ ಬಗ್ಗೆ ಪಾರಿಜಾತ ವೃತ್ತದಲ್ಲಿ ಕರ್ತವ್ಯನಿರತ ಪೇದೆ ಮಂಜುನಾಥ ಅವರಿಗೆ ಶಾಸ್ತ್ರೀ ವೃತ್ತದ ಕರ್ತವ್ಯ ನಿರತ ಪೇದೆ ಮಾಹಿತಿ ರವಾನಿಸಿದ್ದು ಅದರಂತೆ ಮಂಜುನಾಥ್ ಬೈಕ್ ತಡೆದು ಎಚ್ಚರಿಕೆ ನೀಡಿದ್ದಲ್ಲದೆ ದಾಖಲೆ ತೋರಿಸುವಂತೆ ಕೇಳಿದ್ದರು. ಇದಕ್ಕೆ ಕ್ರುದ್ಧರಾದ ಯುವಕರು ಏಕಾಏಕಿ ಪೊಲೀಸ್ ಮೇಲೆ ಹಲ್ಲೆ ನಡೆಸಿದ್ದಾರೆ ಎನ್ನ ಲಾಗಿದೆ. ಪೇದೆಯ ಬೆಲ್ಟ್, ಬಟ್ಟೆ ಹರಿದುಹೋಗಿದ್ದು ವಾಕಿಟಾಕಿ ಹಾನಿ ಗೊಂಡಿದೆ. ಗಾಯಾಳು ಪೇದೆ ಮಂಜುನಾಥ್ ಕುಂದಾಪುರ ಸರಕಾರಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. 

ದೂರು: ಪಾರಿಜಾತ ವೃತ್ತದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ವೇಳೆ ನಿಯಮ ಮೀರಿ ಬೆಕ್‌ನಲ್ಲಿ ಮೂವರು ಆಗಮಿಸುತ್ತಿರುವುದನ್ನು ಕಂಡು ಎಚ್ಚರಿಕೆ ನೀಡಿ ದಾಖಲೆ ತೋರಿಸುವಂತೆ ತಿಳಿಸಿದಾಗ ಮೂವರು ಯುವಕರು ಏಕಾಏಕಿ ಹಲ್ಲೆ ನಡೆಸಿದ್ದಲ್ಲದೆ ಕರ್ತವ್ಯಕ್ಕೆ ಅಡ್ಡಿಪಡಿಸಿದ್ದಾರೆ ಎಂದು ಗಾಯಾಳು ಪೇದೆ ಮಂಜುನಾಥ್ ದೂರು ನೀಡಿದ್ದಾರೆ. 

ಪ್ರತಿದೂರು ದಾಖಲು(ಅವರೆ ಮೊದಲು ಹಲ್ಲೆ ನಡೆಸಿದ್ದು): ಬೆಕ್‌ನಲ್ಲಿ ಸ್ನೇಹಿತ ರಂಜಿತ್, ನವೀನ್ ಅವರೊಂದಿಗೆ ಬರುತ್ತಿದ್ದ ವೇಳೆ ಅಡ್ಡಗಟ್ಟಿದ ಪೊಲೀಸ್ ಪೇದೆ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಹಲ್ಲೆಗೆ ಮುಂದಾಗಿದ್ದರು. ನಾವು ಹಲ್ಲೆ ನಡೆಸಿಲ್ಲ. ಅವರೇ ನಮ್ಮ ಮೇಲೆ ಹಲ್ಲೆ ನಡೆಸಿರುವುದಾಗಿ ಕುಂದಾಪುರ ಖಾಸಗಿ ಆಸ್ಪತ್ರೆಗೆ ದಾಖಲಾಗಿರುವ ಬೆಕ್ ಸವಾರ ಚೇತನ್ ಚರ್ಚ್‌ರಸ್ತೆ ಪ್ರತಿದೂರು ನೀಡಿದ್ದಾರೆ. 

ಡಿವೈಎಸ್ಪಿ ಭೇಟಿ: ಡಿವೈಎಸ್ಪಿ ಯಶೋದಾ ಎಸ್. ಒಂಟಗೋಡಿ ಆಸ್ಪತ್ರೆಗೆ ಭೇಟಿ ನೀಡಿ ಗಾಯಾಳು ಪೊಲೀಸ್ ಪೇದೆ ಅದೇ ರೀತಿ ಬೆಕ್ ಸವಾರನ ಹೇಳಿಕೆ ಪಡೆದುಕೊಂಡಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 ಕುಂದಾಪ್ರ ಡಾಟ್ ಕಾಂ | ಅಫರಾದ-ಅಫಘಾತ ಸುದ್ದಿಗಳು All Rights Reserved.
Template Design by Herdiansyah Hamzah | Published by Kundapra Dot Com