ಖಾಸಗಿ ಬಸ್-ಲಾರಿ ಡಿಕ್ಕಿ: 35ಕ್ಕೂ ಹೆಚ್ಚು ಮಂದಿಗೆ ಗಾಯ

ಬೈಂದೂರು: ಶಿರೂರು-ಭಟ್ಕಳ ಗಡಿ ಭಾಗದಲ್ಲಿ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಭಾನುವಾರ ಸುಮಾರು 7.30ಕ್ಕೆ ಖಾಸಗಿ ಬಸ್ ಹಾಗೂ ಲಾರಿ ಮಧ್ಯೆ ಸಂಭವಿಸಿದ ಅಪಘಾತದಲ್ಲಿ 35ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಗಾಯಾಳು ಗಳು ಸಿಂಡಿಕೇಟ್ ಬ್ಯಾಂಕ್‌ನ ತರಬೇತಿ ಸಿಬ್ಬಂದಿ ಎಂದು ಗುರುತಿಸಲಾಗಿದೆ. ಅವರು ಭಾನುವಾರ ಬೆಳಗ್ಗೆ ಖಾಸಗಿ ಬಸ್ಸನ್ನು ಬಾಡಿಗೆ ಪಡೆದುಕೊಂಡು ಮಣಿಪಾಲದಿಂದ ಮುರ್ಡೇಶ್ವರಕ್ಕೆ ತೆರಳಿದ್ದರು. ಸಂಜೆ ಹಿಂತಿರುಗುತ್ತಿದ್ದ ವೇಳೆ ಶಿರೂರು-ಭಟ್ಕಳ ಗಡಿ ಭಾಗದಲ್ಲಿ ಅವರು ಪಯಣಿಸುತ್ತಿದ್ದ ಬಸ್ ಲಾರಿಯೊಂದಕ್ಕೆ ಡಿಕ್ಕಿ ಹೊಡೆದಿದೆ. ಬಸ್‌ನಲ್ಲಿದ್ದ 55 ಮಂದಿಯ ಪೈಕಿ 35ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಗಾಯಾಳುಗಳ ಪೈಕಿ 32 ಮಂದಿ ಭಟ್ಕಳದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಗಂಭೀರ ಗಾಯಗೊಂಡಿರುವ ಪಲ್ಲವಿ(23) ಅನಂತ ನಗರ ಮಣಿಪಾಲ, ಸುಮನ್ ಸರ್ಕಾರ್(35) ಮಣಿಪಾಲ, ರೋಹಿತ್ ಮೆರಿಡಿಲೊ (24) ಹಾಗೂ ಬಸ್‌ನ ಚಾಲಕ ಮಲ್ಲೇಶ್ ಶಿವಮೊಗ್ಗ (43) ಕುಂದಾಪುರದ ಚಿನ್ಮಯಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. 

ಅಪಾಯಕ್ಕೆ ಕಾರಣವಾದ ಹೊಂಡ:
 ಬೈಂದೂರು ವ್ಯಾಪ್ತಿಯಿಂದ ಮೊದ ಲ್ಗೊಂಡು ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ತನಕ ರಾಷ್ಟ್ರೀಯ ಹೆದ್ದಾರಿ ಹೊಂಡಮಯವಾಗಿದ್ದು, ಹೊಂಡಕ್ಕಿಳಿದ ಲಾರಿ ಹಠಾತ್ತಾಗಿ ನಿಲುಗಡೆಯಾಗಿ ದ್ದರಿಂದ ನಿಯಂತ್ರಣ ಕಳೆದುಕೊಂಡ ಬಸ್ಸಿನ ಚಾಲಕ ಲಾರಿಗೆ ಡಿಕ್ಕಿ ಹೊಡೆದಿ ದ್ದಾನೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ರಾಷ್ಟ್ರೀಯ ಹೆದ್ದಾರಿಯ ಹೊಂಡದ ಕಾರಣದಿಂದಾಗಿ ಭಾನುವಾರ ಶಿರೂರು, ತಲ್ಲೂರು, ಕೋಟದಲ್ಲಿ ಸಂಭವಿಸಿದ ಅಪಘಾತದಲ್ಲಿ ಒಟ್ಟು 50 ಮಂದಿ ಗಾಯಗೊಂಡಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 ಕುಂದಾಪ್ರ ಡಾಟ್ ಕಾಂ | ಅಫರಾದ-ಅಫಘಾತ ಸುದ್ದಿಗಳು All Rights Reserved.
Template Design by Herdiansyah Hamzah | Published by Kundapra Dot Com