ಶಾಪಗ್ರಸ್ತ ಪಡುಕೋಣೆ-ಆಲೂರು ರಸ್ತೆ; ದುರಸ್ತಿಗೆ ಮೀನಮೇಷ !?

ಕುಂದಾಪುರ:  ಸಂಪೂರ್ಣವಾಗಿ ಹದಗೆಟ್ಟಿರುವ ಪಡುಕೋಣೆ-ಆಲೂರು ರಸ್ತೆಮಾರ್ಗದ ಕೋಟೆಗುಡ್ಡೆ, ಇಗರ್ಜಿ , ವಿದ್ಯಾನಗರ, ಜಾರುಬಂಡಿ, ನಾಡಾ ರೈಲ್ವೇ ಸೇತುವೆ, ರಾಮನಗರ, ಗೇರುಕಟ್ಟೆ, ಬಡಾಕೆರೆ ಕ್ರಾಸ್-ಗುಡ್ಡೆಹೋಟೆಲ್, ಸಾಲ್ಗದ್ದೆ ಕ್ರಾಸ್, ಮಹಾಗಣಪತಿ, ಹರ್ಕೂರು ಕ್ರಾಸ್ ಮೊದಲಾದೆಡೆಯ ರಸ್ತೆಮಾರ್ಗ ದುರಸ್ತಿಗಾಗಿ ಮೂರು ತಿಂಗಳ ಹಿಂದೆಯೇ ಜಲ್ಲಿ ಬಂದು ಬಿದ್ದಿದ್ದರೂ ದುರಸ್ತಿ ಕಾರ್ಯ ಆರಂಭಗೊಂಡಿಲ್ಲ. ಜನ-ವಾಹನ ಸಂಚಾರ ಅತ್ಯಂತ ದುಸ್ತರಮಯವಾಗಿರುವ ಈ ರಸ್ತೆಯಲ್ಲಿನ ಹೊಂಡಗುಂಡಿಗಳಿಂದ ನಿತ್ಯಸಂಚಾರಿಗಳ ಬವಣೆ ಕೊನೆಗಾಣದಾಗಿದೆ. 


    ಕುಂದಾಪುರದಿಂದ ಗ್ರಾಮೀಣ ಪ್ರದೇಶಗಳಾದ ನಾಡಾ, ಪಡುಕೋಣೆ, ಹರ್ಕೂರು  ಆಲೂರು ಮೊದಲಾದೆಡೆಗಳಿಗೆ ಸಂಪರ್ಕವನ್ನು ಕಲ್ಪಿಸಿರುವ ಪಡುಕೋಣೆ-ಆಲೂರು ರಸ್ತೆಮಾರ್ಗವು ಸುಸಜ್ಜಿತವಾಗಿ ದುರಸ್ತಿಯನ್ನೇ ಕಾಣದೇ ಹತ್ತಾರು ವರ್ಷಗಳೇ ಉರುಳಿವೆ. ಹೊಂಡಮಯವಾಗಿರುವ ಇಲ್ಲಿನ ರಸ್ತೆಮಾರ್ಗವು ಬೇಸಿಗೆಯಲ್ಲಿ ಧೂಳಿನ ಗೋಳು, ಮಳೆಗಾಲದಲ್ಲಿ ಮಳೆನೀರು ತುಂಬಿ ಕೆರೆಯಂತಾಗುವುದು ತಪ್ಪಿಲ್ಲ. ಭಾರೀ ಹೊಂಡಗಳಿಂದಾಗಿ ಇತ್ತೀಚಿನ ದಿನಗಳಲ್ಲಿ ಈ ರಸ್ತೆಯಲ್ಲಿ ಜನ-ವಾಹನ ಸಂಚಾರ ಅತ್ಯಂತ ದುಸ್ತರವಾಗಿದೆ. 
    ಪಡುಕೋಣೆ, ನಾಡಾ, ಆಲೂರು, ಹಕರ್ೂರು, ಹೆಮ್ಮುಂಜೆ, ಬಡಾಕೆರೆ, ಗುಡ್ಡೆಹೋಟೆಲ್, ಬೆಳ್ಳಾಡಿ ಮೊದಲಾದ ಗ್ರಾಮೀಣ ಭಾಗಗಳ ಜನರ ಜೀವನಾಡಿಯಂತಿರುವ ಈ ರಸ್ತೆಯಲ್ಲಿ ಶಾಲಾ-ಕಾಲೇಜು ವಿದ್ಯಾಥರ್ಿಗಳು, ಕೃಷಿ-ಕೂಲಿಕಾರ್ಮಿಕರು ಸೇರಿದಂತೆ ನಿತ್ಯವೂ ಅಸಂಖ್ಯಾತ ಜನರು ನಿತ್ಯ ಸಂಚರಿಸುತ್ತಾರೆ. ಆದರೆ ತೀರಾ ಹದಗೆಟ್ಟಿರುವ ಹಾಗೂ ಹೊಂಡಗಳಿಂದ ತುಂಬಿರುವ ಈ ರಸ್ತೆಮಾರ್ಗದಲ್ಲಿ ನಿತ್ಯ ಸಂಚರಿಸುವ ಬಸ್ಸುಗಳು ಹಾಗೂ ಇನ್ನಿತರ ನಾನಾ ವಾಹನಗಳು ಈ ಮಾರ್ಗದಲ್ಲಿ ಓಲಾಡುತ್ತಾ, ತೇಲಾಡುತ್ತಾ ಸಾಗಬೇಕಾಗಿದೆ. ಬಸ್ಸುಗಳಲ್ಲಿ ಪ್ರಯಾಣ ಮಾಡುವ ಮಕ್ಕಳು ಹಾಗೂ ವೃದ್ಧರು ಅನಿರೀಕ್ಷಿತ ದೇಹದಂಡನೆಯನ್ನು ಅನುಭವಿಸುವಂತಾಗಿದೆ. ಸೈಕಲ್ಲು, ಬೈಕು ಮೊದಲಾದ ದ್ವಿಚಕ್ರವಾಹನಸವಾರರ ಸ್ಥಿತಿ ಅಯೋಮಯವಾಗಿದೆ.

ವಿಮೋಚನೆ ಕಾಣದ ಶಾಪಗ್ರಸ್ತ ರಸ್ತೆ ! 


         ಆಲೂರಿನಿಂದ ಪಡುಕೋಣೆ ಮೂಲಕ ಕುಂದಾಪುರ, ವಂಡ್ಸೆ, ಕೊಲ್ಲೂರು, ಬೈಂದೂರು ಮುಂತಾದ ಪ್ರಮುಖ ಕೇಂದ್ರಸ್ಥಳಗಳಿಗೆ ಸಂಪರ್ಕವನ್ನು ಕಲ್ಪಿಸುವ ಬಹುಮುಖ್ಯ ಸಂಪರ್ಕದ ಕೊಂಡಿಯಾಗಿದ್ದು, ನಿತ್ಯವೂ ಸಾವಿರಾರು ಜನರು ಓಡಾಡುವ ಈ ರಸ್ತೆಯು ಇನ್ನು ಬಾಕಿಯಿಲ್ಲ ಎಂಬಷ್ಟು ಹದಗೆಟ್ಟಿದ್ದು ಸಂಪೂರ್ಣವಾಗಿ ಜರ್ಝರಿತಗೊಂಡಿದ್ದರೂ ಈ ರಸ್ತೆ ಸಮಸ್ಯೆಗೆ ಕ್ಷೇತ್ರದ ಜನಪ್ರತಿನಿಧಿಗ ಳು, ಅಧಿಕಾರಿಗಳು ತಳೆದಿರುವ ದಿವ್ಯನಿರ್ಲಕ್ಷ್ಯದ ಪರಮಾವಧಿಯ ಧ್ಯೋತಕ ಎಂಬಂತೆ ಸ್ಥಳೀಯ ಜನಪ್ರತಿನಿಧಿಗಳಾಗಲೀ, ಅಧಿಕಾರಿಗಳಾಗಲೀ ಕಿಂಚಿತ್ತೂ ತಲೆಕೆಡಿಸಿಕೊಂಡಿಲ್ಲ. ಸುಗಮ ಸಂಚಾರಕ್ಕೆ ಭಾರೀ ತೊಂದರೆಯನ್ನು ತಂದೊಡ್ಡಿದ ಈ ರಸ್ತೆಯ ಹೊಂಡಗಳನ್ನಾದರೂ ತಾತ್ಕಾಲಿಕವಾಗಿ ಮುಚ್ಚಿಸಿ ಮಳೆನೀರು ನಿಲ್ಲದಂತೆ ಮಾಡುವ, ಕೆಸರು-ಧೂಳಿನ ಸಮಸ್ಯೆಗೆ ಕೊಂಚ ಬ್ರೇಕ್ ಹಾಕುವ ಕಾರ್ಯವೂ ನಡೆಯುತ್ತಿಲ್ಲ.
          ವಿಶೇಷವಾಗಿ ಇಲ್ಲಿನ ಗ್ರಾಮೀಣ ಭಾಗದ ನೂರಾರು ಜನಸಾಮಾನ್ಯರಿಗೆ ಅತ್ಯಂತ ಉಪಯುಕ್ತವಾದ ಪಡುಕೋಣೆ-ಆಲೂರು ಅಭಿವೃದ್ಧಿ ಮಾತ್ರ ಇಂದಿಗೂ ಕನಸಾಗಿಯೇ ಉಳಿದಿದೆ. ನಾಡಾ-ಸೇನಾಪುರ ವ್ಯಾಪ್ತಿಯಲ್ಲಿನ ಬಹುತೇಕ ಮುಖ್ಯ ಹಾಗೂ ಗ್ರಾಮೀಣ ರಸ್ತೆಮಾರ್ಗಗಳಿಗೆ ಡಾಮರೀಕರಣ ನಡೆದಿದ್ದರೂ ನಾಡಾ-ಆಲೂರು ರಸ್ತೆಮಾರ್ಗ ಮಾತ್ರ ಆಡಳಿತಯಂತ್ರದ ಸಂಪೂರ್ಣ ಅವಗಣನೆಗೆ ಗುರಿಯಾಗಿದ್ದು, ಸಮಗ್ರವಾಗಿ ಅಭಿವೃದ್ಧಿ ಕಾಣದೇ ಶಾಪಗ್ರಸ್ತ ರಸ್ತೆ ಎನಿಸಿದೆ.
ಚಿತ್ರ ವರದಿ-ಚಂದ್ರ ಕೆ. ಹೆಚ್


ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 ಕುಂದಾಪ್ರ ಡಾಟ್ ಕಾಂ | ಅಫರಾದ-ಅಫಘಾತ ಸುದ್ದಿಗಳು All Rights Reserved.
Template Design by Herdiansyah Hamzah | Published by Kundapra Dot Com